Leicester Universitetinin tədqiqatçıları insanın yerimə sürəti ilə qocalma sürəti arasında əlaqə tapıblar. Məlum olub ki, müntəzəm olaraq sürətlə yerimək ömürü 16 il artırır.

Aztibb.az xəbər verir ki, “Communications Biology” jurnalında dərc edilən bu araşdırmada, gündə yarım saat müntəzəm olaraq sürətli yeriməklə telomerlərin uzunluğunun artırıla bilinəcəyi yazılıb.

Telomerlər xromosomların uclarında qoruyucu "qapaqlardır". Onların tərkibində genetik məlumat olmasa da, telomerlər DNT-nin sabitliyinin qorunmasında mühüm rol oynayır. Alimlər insanın bioloji yaşını təyin etmək üçün xromosomların uclarını ölçürlər. Nə qədər uzun olsalar, bu yaş bir o qədər gəncdir və bu, həqiqi yaşdan xeyli fərqlənə bilər.

Tədqiqatın müəllifləri 400.000-dən çox böyük britaniyalının məlumatlarını təhlil edərək öyrəniblər ki, müntəzəm olaraq sürətli yerişlə məşğul olan insanlar bioloji olaraq həmyaşıdlarından orta hesabla təxminən 16 yaş kiçikdirlər.

Üstəlik, eyni mövzuda aparılan əvvəlki araşdırmalar, müntəzəm gəzməyin fiziki, zehni və sosial faydaları ola biləcəyini müəyyən edib.