Portuqaliyanın Lissabon Universitetinin alimlərinin yeni araşdırmasına görə, meditasiya ürəyin işemik xəstəliyi və ürək-damar sisteminin digər xəstəlikləri olan insanların həyat keyfiyyətini yaxşılaşdıra bilər.

Aztibb.az ridus.ru-ya istinadən xəbər verir ki, insana ürək xəstəliyi diaqnozu qoyulandan sonra özünü depressiya və narahat hiss edir. Tədqiqat göstərib ki, meditasiya ürək xəstəliyi olan insanlar üçün standart reabilitasiya zamanı faydalı bir əlavə ola bilər.

Tədqiqata ürək-damar reabilitasiyası proqramına qatılan koronar arteriya xəstəliyi olan 40 xəstə daxil edilib. İştirakçılar təsadüfi qaydada iki qrupa bölünüblər. Birinci qrup müntəzəm reabilitasiya proqramına əlavə olaraq meditasiyaya başlayıb.

Təcrübənin əvvəlində və dörd aylıq reabilitasiyadan sonra könüllülərin stress, narahatlıq, depressiya səviyyəsi və həyat keyfiyyəti qiymətləndirilib.

“ESC Preventive Cardiology 2023” elmi konqresində təqdim edilən araşdırmanın nəticələri göstərib ki, dörd aydan sonra meditasiya qrupunda depressiya, stress və narahatlığın orta göstəriciləri müvafiq olaraq 44%, 31% və 29% azalıb. Digər qrupda isə bütün göstəricilər üzrə azalma cəmi 3% təşkil edib.