Qaraciyər sirrozu bu orqanın bir çox xəstəliklərinin, o cümlədən xroniki hepatitlərin, alkoqollu və alkoqolsuz yağlı qaraciyər xəstəliyinin son mərhələsidir. Bəzi hallarda yalnız transplantasiya xilas edə bilər.

Aztibb.az medikforum.ru-ya istinadən xəbər verir ki, xəstəliyin təhlükəsi uzun müddət gizli qalmasındadır. Qonşu toxumalar təsirlənməyincə qaraciyər zərər vermir, narahatedici simptomlar adətən sonrakı mərhələlərdə görünür.

Qaraciyər sirrozunun əsas səbəbləri virus hepatitləri və qaraciyərin spirtli zədələnməsidir. Üçüncü yerdə sənaye zəhərli maddələrin və dərmanların təsirini qoymaq olar.

Həmçinin, sirroz öd yollarının zədələnməsi, immun pozğunluqları ilə baş verə bilər.

Yoluxucu xəstəliklər də qaraciyərin sirrozuna səbəb ola bilər. Sadə dillə desək, sirroz zamanı qaraciyər toxuması birləşdirici toxuma ilə əvəzlənir və orqan fəaliyyətini dayandırır.

Qaraciyərin böyük kompensasiya qabiliyyəti var, buna görə də xəstəlik heç bir simptom olmadan uzun müddət davam edə bilər.

Qaraciyər sirozunun simptomları:

Zəiflik və yorğunluq;
Şişkinlik;
Daimi qaşınma;
Yuxu pozğunluğu, yuxusuzluq;
Aşağı əhval-ruhiyyə, əsəbilik;
Burun və diş ətindən qanaxma;
İştahsızlıq;
Çəki itirmək;
Tez-tez ürəkbulanma;
Artan qaz əmələ gəlməsi.