“Neurofeedback” şəxsin özünün beyin dalğalarını dəyişdirməsinə kömək edən öyrənmə strategiyasıdır. Bu, dərmansız müalicə üsuludur və bir çox problemlərin aradan qaldirilmasına kömək edir.

Aztibb.az-a NA-Loqopedik Psixoloji Mərkəzdən verilən məlumata görə, müalicənin məqsədi təkcə düşüncə tərzinizi və hisslərinizi dəyişdirmək deyil, həm də daha yaxşı işləmək üçün beyninizi bioloji səviyyədə dəyişdirməkdir.

“Neurofeedback” seanslarında şəxsin başına (baş dərisinə) yerləşdirilən elektrodlar kompüter cihazına qoşulur. Elektrodlar beyindən gələn elektrik nümunələrini ölçür və onları ekranda əks etdirir. Beyinə heç bir elektrik cərəyanı vermir.

Son tədqiqatlar göstərir ki, lazımi dəstək verildikdə, beyni dəyişmək və uyğunlaşmaq qabiliyyətinə malikdir.

Beyin dalğası nədir?

Beyin hüceyrələrimiz beyin dalğaları kimi tanınan elektrik impulsları vasitəsilə əlaqə qurur. Daha sürətli beyin dalğaları diqqət, düşüncə və şüurla əlaqələndirilir, daha yavaş beyin dalğaları isə istirahət, meditasiya və dərin yuxu ilə əlaqələndirilir.

Beyin tərəfindən ötürülən dalğalar əsasən dörd cürdür: Alfa, Delta, Teta və Beta dalğaları. Hər bir dalğanın xüsusi tezliyi var.

Delta – 1-4
Teta – 4-8
Alfa – 8-12
Beta – 13-21

Seans müddətində teta və delta dalğalarını azaltmağa və sürətli beta dalğalarını artırmağa nail olurlar.