“Uşaq yuxuda böyüyər” deyə atalar sözümüz var. Əsrlərdən bəri gəlmiş bu deyimin elmi əsaslarına baxaq.

Aztibb.az xəbər verir ki, uşaq endokrinoloqu Ləman Sultanovanın bildirdiyinə görə, böyümə hormonu beyində yerləşən hipofiz vəzindən ifraz olunur. Gün ərzində ifrazı olsa da, əsas ifrazı yuxu zamanı olur.

Yuxunun 3 əsas fazası vardır.Yuxuya getmə zamanı, röya görülməyən yuxu fazası, röyalı yuxu fazası.

Ən uzun müddətli faza ikinci faza sayılır və böyümə hormonu əsas o fazada ifraz olunur.

O səbəbdən də vaxtında gecə yuxusuna gedən uşaqlarda yuxu fazalarının ardıcılliğı və davamiyyəti də normal olur və böyümə hormonu ifrazı da maksimum olur.

Uşaqların normal gecə yuxularını almaları üçün, yuxudan əvvəl ilıq su vannası qəbulu xeyirlidir.Və mütləq şəkildə planşet və telefondan istifadə olunmamalı, sakit və rahat ortamda yuxuya getməlidirlər.