Somnoloq Tatyana Surnenkova stressi aradan qaldırmaq, yuxunu yaxşılaşdırmaq və əhvalınızı yüksəltmək üçün unikal üsuldan danışıb.

Aztibb.az actualnews.org-a istinadən xəbər verir ki, söhbət insan beyninin bioritmləri əsasında yaradılan ensefalofoniya və ya “beyin musiqisi”ndən gedir.

Mütəxəssis qeyd edib ki, bu texnika yuxusuzluqdan əziyyət çəkən tibb tələbələri, top-menecerlər və idmançılar üzərində sınaqdan keçirilib.

Həkim bu texnikanı mükəmməl beyin məşqçisi adlandırıb.

Mütəxəssisin fikrincə, şəxsi “beyin musiqisini” yazmaq çox asandır. Həkiminiz əvvəlcə stress səviyyənizi və yuxu keyfiyyətinizi qiymətləndirəcək. Sonra beynin elektrik fəaliyyətini qeyd etmək üçün ensefaloqrafdan istifadə olunur. Məlumatları kompüter proqramından istifadə edərək təhlil etdikdən sonra musiqi treki yaradılır.