Boğaz infeksiyalarının (faringit/tonzillit) təqribən onda birinə beta hemolitik streptokoklar (AGBHS) səbəb olur.

Aztibb.az xəbər verir ki, uzman pediatr-neonatoloq Kamil Şərifov boğaz infeksiyalarının xüsusilə yaz və payız aylarında daha çox görüldüyünü, lakin hər fəsildə qarşılaşa biləcəyimizi deyib.

Həkimin sözlərinə görə, infeksiyalar qızdırma, boğaz ağrısı, udqunmada çətinləşmə və boyundakı limfa düyünlərinin şişməsinə səbəb olur.

Qeyd edib ki, tonzillit zamanı badamcıqlarda qızarıqlıq, şişlik və badamcıqların üzərində ağ lövhələr (ərplənmə) görünür.

Həkim asqıraq, öskürək, burun axıntısının əsasən üst tənəffüs yolu infeksiyalarına yoluxmadan sonra görüldüyünü, tonzillit zamanı isə bu şikayətlərin olmadığını vurğulayıb.