Tərəvəzli smuzi içkisi (tərəvəzli, meyvəli və südlü içki) və yulaf dəmləməsi yaşlı insanlarda bağırsaqların işini yaxşılaşdırmağa kömək edir.

Aztibb.az xəbər verir ki, bu barədə “Moskva 24” telekanalına diyetoloq Anjelika Duval danışıb: “Bu içki bağırsaqların işini mükəmməl şəkildə stimullaşdırır, onun hərəkətliliyini tənzimləyir. Həmçinin, yulaf dəmləməsi qaraciyər üçün də faydalıdır”.

Onu hazırlamaq üçün şüşə qab və ya termosa axşam saatlarında bir ovuc ağ dənəli yuyulmuş yulaf və bir litr qaynar su əlavə edilir. Səhər süzülüb suyu içilir və üç həftə ərzində hər gün bu davam etdirilir.

Diyetoloq tərəvəz smuzilərini də tövsiyə edib: “Onlar asan və tez hazırlanır. Yaşlılar üçün müntəzəm adi su da vacibdir. Bağırsaqların fəaliyyətini yaxşılaşdırır. Yuxudan oyandıqdan sonra 20 dəqiqə ərzində acqarına bir stəkan qaynadılmış su içmək məsləhətdir.