İstər gündəlik həyatımızda, istərsə də iş həyatımızda zaman-zaman ağırlıq qaldırmalı olduğumuz vəziyyətlər olur.

Aztibb.az xəbər verir ki, nevroloq Günel Verdiyeva ağırlıq qaldırarkən, çox vaxt məlumatsızlıq və diqqətsizlik nəticəsində bel ağrısı, disk yırtığı, əzələ və oynaq zədələnmələri kimi narahatlıqların yarana biləcəyini deyib.

Həkimin sözlərinə görə, iş qabiliyyətinin itirilməsinin əsas səbəblərindən biri olan ağır yükləri qaldırma nəticəsində yaranan narahatlığın qarşısını almağın ən yaxşı yolu bu mövzuda məlumatlı olmaqdır.

Qeyd edib ki, istər tək, istərsə də başqaları ilə birlikdə, ağır yükləri qaldırarkən nələrə diqqət edəcəyimizi bilsək, bir çox arzuolunmaz vəziyyətlərlə üzləşmərik.