Həkimlər toyuq ətinin orqanizm üçün ən asan həzm olunan qida olduğunu bildirirlər. Müqayisədə toyuq kababının digər ət kabablarından daha faydalı olduğu deyilir.

Aztibb.az gazeta.ru-ya istinadən xəbər verir ki, qastroenteroloq Olqa Listopadova toyuq şorabası üçün yalnız soğan, ədviyyat və mineral sudan istifadə etməyi, sirkə, souslar, tərkibində konservantlar və şəkər olan marinadlardan imtina etməyi məsləhət görüb.

Qastroenteroloq qeyd edib ki, kabab ketçup və mayonezlə birgə yeyilməməlidir, çünki daha yağlı olur və çətin həzm olunur. Yağlı ətin bol istehlakı qaraciyər, öd kisəsi, mədəaltı vəzi xəstəliklərini kəskinləşdirə bilər.

Həmçinin tərəvəz kababının tərkibində vitaminlər, minerallar, antioksidantlar və lif olduğundan sağlamlıq üçün ən faydalı hesab edilib.