Aztibb.az doctorpiter.ru-ya istinadən xəbər verir ki, tromboz, qan laxtalarının meydana gəldiyi venoz damarların patoloji vəziyyətidir. Çox vaxt tromboz ayaq damarlarında baş verir.

Danimarka, Almaniya, Norveç və İsveçdən olan tədqiqatçılar  birgə araşdırma zamanı bir sual qarşısında çaşqınlıq içində qalıblar: niyə bəzi insanlarda orta fiziki fəaliyyətlə belə qan laxtalanması baş verir, digərlərində isə yox? Üstəlik, fiziki fəaliyyətin tamamilə olmamasına baxmayaraq, yeriyə bilməyən, əlilliyi olan bir insanın bu xəstəlikdən əziyyət çəkmədiyi halları görülməkdədir.

Məlum olub ki, hər şey qan laxtalarının meydana gəlməsinin qarşısını ala biləcək əsas zülaldadır. Bu zülal Hsp47 adlanır. Sözügedən protein heyrətamiz xüsusiyyətlərə malikdir və qan laxtalanmasından qoruya bilir.

Hsp47 səviyyəsinin artması təkcə insanlarda deyil, digər məməlilərdə, o cümlədən ayılarda və donuzlarda da qan laxtalanmasının qarşısını almaqda əsas rol oynayır.