Spinal dekompressiya aparatı boyun yırtığı, bel yırtığı və onurğa sütununun kalsifikasiyası səbəbiylə sinirlərə olan təzyiqi (kompressiyanı) dartma üsulu ilə dərmansız və cərrahi olmayan üsulla aradan qaldıran cihazdır.

Aztibb.az xəbər verir ki, uzman fizioterapevt Rüfət Cabbarlı spinal dekompressiya metodu əsasında müalicə proseduru haqqında məlumat verib.

Spinal dekompressiya müalicəsində xəstə disklərə ən az yük düşən vəziyyətdə, ayaqları qarına doğru biraz əyilmiş şəkildə uzanır. Yırtıq və ya kalsifikasiya olan disk bölgəsi cihazın kompüterinə daxil edilir. Aparat kompüter proqramı ilə xəstəni müvafiq anatomik vəziyyətə gətirir, xəstənin disk səviyyəsinin aşağı və yuxarı hissələrini sabitləyib, yalnız zədələnmiş nahiyəni dartır.

Spinal dekompressiya aşağıdakı hallarda tətbiq edilir:

Yaxşı anamnez, fiziki müayinə və MRT-dən sonra;
Bel boyun yırtıqlarında;
Tibbi müalicəyə cavab verməyən degenerativ (kalsifikasiya) disk xəstəliklərində;
Siyatik sinir ağrılarında;
Faset sindromu kimi xəstəliklərdə etibarlı şəkildə istifadə edilə bilər.