Qaraciyərimizdə və əzələlərimizdə yığılan şəkər azaldığından və tərlə itirilən su miqdarı artdığı üçün yüksək intensivlikli məşqlərə üstünlük verilməməlidir.

Aztibb.az-a müsahibəsində hepatoloq Tofiq Əkbərov tövsiyə edib ki, oruc tutarkən sizi yorub, tərlətməyən, məsələn, pilates, yoga, gəzinti və ya üzgüçülük kimi aşağı intensivlikli aerobik məşqlər edilə bilər.

“Suyun bədən istiliyini tarazlaşdırmaq, həzm və udma zamanı qidaları hüceyrələrə daşımaq, toksinləri bədəndən çıxarmaq kimi bir çox funksiyası var. Yüzdə 20 azalma orqanizmdə mayenin miqdarında həyati risk yaradır”, - həkim bildirib.

qeyd edib ki, oruc zamanı su qəbulumuz azalır, ona görə də su sahur və iftarda əvəzolunmaz olmalıdır. 2-2,5 litr içməyə diqqət yetirilməlidir. Orucluq zamanı təxminən 15 saat su istehlakı olmadığı üçün gündəlik su ehtiyacı iftar ilə sahur arasındakı 6-7 saatlıq müddətdə qarşılanmalıdır.

“Gündəlik maye ehtiyacının 2,5 ilə 3 litr arasında dəyişdiyini nəzərə alsaq, bu miqdarın üçdə ikisi iftarla sahur arasındadır. Mümkün olan müddətdə istehlak edilməlidir. Onun üçdə birini sahurda istehlak etmək düzgün olar. Bu vaxt 7 saatlıq yemək və maye qəbulu, 30 dəqiqəlik müddətdə bir stəkan su içmək gündəlik maye ehtiyacımızı qarşılamağa imkan verəcək”, – deyə hepatoloq vurğulayıb.