Əgər hamilənin ailəsində şəkər xəstəsi varsa, anamnezində daha öncə ölü doğum hadisəsi olubsa, qadın çox kiloludursa, daha əvvəl 4 kiloluq və daha artıq uşaq dünyaya gətiribsə, hal-hazırki ultrasəs müayinəsində uşağın ölçüləri böyükdürsə, çox sululuğu varsa, bu kimi risk qrupunda olan hamilələrdə, xüsusilə 35 yaşın üzərində diabet riski artır.
Aztibb.az-a müsahibəsində cərrah-ginekoloq Kamran Nağıyev bildirib ki, biz bu hamilələrdən 75 qram diaqnoz testini mütləq istəyirik.
Həkim qeyd edib ki, bəzən aşağı risk qrupu olan xəstələr olur ki, onlar arıq və gənc yaşda olduğundan, xüsuilə ailədə şəkər anamnezi yoxdursa, onların ultrasəs müayinəsində hər hansı bir problem olmur. Belə halda 50 qram skrininq testi edilə bilər.
Mütəxəssis bu testlərin nəticəsinin çox önəmli olduğunu vurğulayıb.
Əgər hamiləlik diabeti təsdiqlənərsə, “gestasionar diabet” adlanır, belə olduqda mütləq şəkildə ciddi kontrol edilməlidir və əgər yüksək şəkərlər varsa xəstə mütləq endokrinoloqa müraciət etməlidir.
Hamiləlikdə hamilə qadın istər dietoloqla, ya da özü dietlər edərək, pəhriz saxlayaraq şəkəri kontrolda saxlayır. Əgər kontrolsuz şəkildə yüksək şəkər varsa, o zaman ehtiyac duyularsa endokrinoloq nəzarəti ilə insulin müalicəsinə də başlana bilir.
