Həkim və teleaparıcı Aleksandr Myasnikov Rusiya Federasiyasında hər an qızılca epidemiyasının başlaya biləcəyini bildirib.

Aztibb.az mednovelty.ru-ya istinadən yazır ki, onun sözlərinə görə, qızılca çox yoluxucudur. Qızılca virusu insandan insana hətta tənəffüs yolu ilə də keçə bilər.

“Qızılca xəstəliyinin müalicəsi yoxdur və o, hava damcıları ilə deyil, tənəffüs yolu ilə ötürülür. Bu, məlum olan ən yoluxucu virusdur. Yeganə məsləhət peyvənd olunmaqdır!”, – A.Myasnikov bildirib.

O, adətən peyvənd olunan əhalinin faizinin aşağı düşməsi səbəbindən qızılca epidemiyasının başlaya biləcəyi barədə xəbərdarlıq edib. Buna görə də kütləvi qızılca epidemiyasının başlaması riskləri çox yüksəkdir.

Ekspert buna görə də peyvənd olunmamış hər kəsə peyvəndi tövsiyə edib, çünki yalnız peyvənd uşaqlıqda qızılca keçirməyənlərin yoluxma şansını azalda bilər.