Qalxanabənzər vəz (tiroid) düyünləri vəzin toxuması içində əmələ gələn fərqli quruluşda və müxtəlif ölçülərdə olan törəmələrdir.

Aztibb.az xəbər verir ki, endokrinoloq Rəhilə Mansur düyünlərin 5-10%-nin bədxassəlilik riski daşıdığını bildirib.

Həkim düyünlərin digər riskləri haqqında da məlumat verib:

- Bədxassəli olma;
- Həddən artıq hormon ifraz edərək hiperfunksiyaya yol açma;
- Ölçüsü böyük olanların boyun nahiyəsində yerləşən orqanlara (beyni qidalandıran damarlar, nəfəs borusu və s.) basqı etməsi, sıxması.

R.Mansur qeyd edib ki, son illərdə tiroid ultrasəs müayinəsinin kliniki istifadə olunması ilə düyünlər daha erkən aşkar edilir.

Düyünlər, ümumilikdə zərərsiz olsa da, bu risklərə bağlı olduğu üçün həkim tərəfindən təqib edilmələri, ehtiyac olarsa dərman, radioaktiv yod və cərrahi müalicə edilməsi məsləhət görülür.