İmmunitet sisteminin piqment hüceyrələrinə hücum etməsi nəticəsində inkişaf edən vitiliqo dəridə yamaq şəklində ağ ləkələrə səbəb olur.
Aztibb.az xəbər verir ki, pediatr Atlaz Möhsümovanın bildirdiyinə görə, vitiliqo doğuşdan qocalığa qədər baş verə bilsə də, başlanğıc yaşı ən çox 10-30 yaş arasında olur.
Qeyd edib ki, xəstələrin 50% -dən çoxunda xəstəlik 20 yaşdan kiçik ikən başlayır. Yaşlılarda və körpələrdə çox nadirdir. Vitiliqo anadangəlmə ola bilər, ancaq 2-3 yaşlarında, ilk günəşə məruz qaldıqda özünü büruzə verir.
Səbəb olan xəstəliklər:
Anemiya
Diabet xəstəliyi
Qızdırma xəstəlikləri
Günəş yanıqları
Ağır travmalar
Genetik faktorlar
Autoimmun xəstəliklər
Qeyd edək ki, vitiliqo xəstəliyinin müalicəsinin əsas məqsədi kosmetik defektin aradan qaldırılması və dərinin piqmentasiyasının bərpa olunmasıdır. Müalicə üsullarının seçimi fərdi olaraq xəstənin yaşından, xəstədə digər xəstəliklərin olub-olmadığından, xəstəliyin mərhələsindən, ləkələrin yerləşməsindən və s. səbəblərdən asılıdır.