Çin və ABŞ alimlərinin araşdırması göstərib ki, şəkərdən hədsiz istifadə edildikdə yeddi növ xərçəngə tutulma riski artır.

Aztibb.az involta.media-ya istinadən xəbər verir ki, mütəxəssislər tədqiqat zamanı 67 müşahidə və 6 klinik sınağı təhlil ediblər.

Məlum olub ki, artıq şəkər şəkərli diabet, piylənmə, hipertoniya, insult, depressiya və xərçəng kimi 83 patoloji vəziyyətin yaranmasına səbəb olur.

Tədqiqatçıların fikrincə, maksimal gündəlik doza 25 qramdan çox olmamalıdır.

Həmçinin meyvə və tərəvəzlərin tərkibində olan təbii şəkərin orqanizmin sağlamlığına mənfi təsir göstərmədiyi qeyd edilir.