Əksər insanlar həyatında musiqiyə çox zaman ayırır. Məlum olub ki, ifa etmək təkcə əyləncəli deyil, həm də faydalıdır.
Aztibb.az planet-today.ru-ya istinadən xəbər verir ki, uşaq psixoloqu Daria Duqentsova müsahibəsində xorla oxumağın uşaqlara necə faydalı olduğunu söyləyib.
Mütəxəssis qeyd edib ki, bu gün valideynlər uşaqları ilə əvvəlki nəsillərlə müqayisədə çox az hallarda birgə mahnı oxuyurlar. Halbuki, valideynlərinin onlarla birgə uşaq mahnılarını oxuması uşağın inkişafı baxımından çox önəmlidir.
Bu, erkən yaşda uşaqların emosional inkişafına kömək edir, söz ehtiyatını artırır və artikulyasiyanın inkişafına müsbət təsir göstərir.
Bundan əlavə, birgə oxumaq bir növ valideyinlə uşaq arasında “körpü”dür. Beləliklə, uşaqların valideynləri, nənə və babaları ilə vaxt keçirməsi ailəni birləşdirir.