Sakrum və çanaq (ilium-çanaq) əlaqəsini təmin edən və bədən çəkisini ayaqlara ötürən oynaq olan sakroiliak oynağın problemləri səbəbindən yaranan ağrıdır.

Aztibb.az xəbər verir ki, uzman fizioterapevt Rüfət Cabbarlı sakroiliak oynağın problemlərini və xəstəliyə meyl yaradan səbəbləri sadalayıb.

Bel ağrısının ən çox görülən səbəbi olduğu düşünülən disk yırtığının bel ağrılarının yalnız 5-10%-ni təşkil etdiyini nəzərə alsaq, bu nisbət olduqca yüksəkdir.

Sakroiliak oynaq bədən çəkisini ayaqlara ötürən yükdaşıyan oynaqdır. Buna görə də çox həssas bir birləşmədir. Asimmetrik duruş və oturma, qısa ayaqlar, onurğanın əyriliyi, əzələ balansının pozulması kimi mexaniki problemlər xəstəliyə meyl yaradır.

Sakroiliak oynağa bağlı olan omba əzələlərində, bel əzələlərindəki tətik nöqtələri də bir təsir amili ola bilər. Bu bağların gərginləşməsi və degenerasiyası da problemin ən mühüm səbəblərindən biridir.

Həmçinin iltihabi revmatik xəstəliklər də qeyd olunan problemə yol aça bilər, bunlardan ən əhəmiyyətlisi ankilozan spondilitdir.