Qastroeneterit zamanı qusma, ishal (qarın getməsi) və yüksək temperatur ola bilər. Bəzən qarında kramplar (sancı şəklində gəlib gedən ağrılar) da ola bilir.

Aztibb.az xəbər verir ki, pediatr, neonatoloq Kamil Şərifovun bildirdiyinə görə, kiçik uşaqlarda səbəbi çox vaxt viruslardır (Rotavirus, adenovirus, norvalk ajanı və s).

Xüsusilə yay aylarında bakteriyaların (Şikella, Salmonella və s) səbəb olduğu qastroenteritlər artış göstə bilir. Ayrıca Lyamlya, Amob kimi parazitlər də ciddi qastroenteritə səbəb ola bilir.

Qusmanın 2-dən, ishalın 5-dən çox olması su itirilməsi (dehdratasiya) və duz itirilməsi (hiponatremiya, hipoxloremiya, metabolik asidoz və s) üçün risklidir.

Müalicənin gecikməsi damar içi mayenin azalması, hətta təzyiqin düşməsinə bağlı çoxlu orqan çatışmazlığına qədər ağırlaşa bilər və bəzən körpənin reanimasiyaya yatırılmasına belə səbəb ola bilər.

Bunun xaricində temperaturun vaxtında kontrol altına alınmaması (eləcə də su və duz problemləri də) qıcolmalara (sudurqa) səbəb ola bilir.