Bəzən valideynlər oğlan uşaqlarının cinsi üzvünü kiçik gördüyü üçün uroloqa gedərək hormonal analizlər verir.

Aztibb.az xəbər verir ki, uşaq endokrinoloqu, uzamn həkim Azad Əkbərzadə hətta bu analizlərdə kişi hormonu (testosteron) aşağı gəldiyi üçün hormonal müalicənin aparıldığını bildirib.

“Bilmək lazımdır ki, testosteron cinsi inkişaf başlamazdan əvvəl onsuz da aşağı olur. Hələ cinsi inkişaf başlayandan bir müddət sonraya qədər də analizlərdə normadan aşağı çıxa bilər”, – həkim vurğulayıb.

Mütəxəssis onu da qeyd edib ki, cinsiyyət üzvünün uzunluğunu gözəyarı qiymətləndirmək olmaz. Uşaq endokrinoloqları tərəfindən xüsusi ölçü üsulları ilə penisin uzunluğu, diametri və xayaların həcmi hesablanır. Nəticədə, həqiqətən kiçiklik varsa səbəbi aydınlaşdırıldıqdan sonra müalicə tədbirlərinə əl atılır.