Hündür boy uşağın skeletində əyilmələrə, psixoloji sıxıntılara, fiziki aktivliyin azalmasına, hərəki koordinasiyaların pozulmasına səbəb ola bilər. Buna görə də bəzi hallarda boy uzanmasının qarşısı alınır.
Aztibb.az xəbər verir ki, META Uşaq Endokrin Mərkəzi hündür boyun patoloji səbəbləri ilə bağlı məlumat paylaşıb.
Qeyd olunur ki, ilk növbədə hündür boyun patoloji səbəbləri inkar olunmalıdır.
Əgər uşağın boyu valideynə görə hesablanmış hədəf boyu keçirsə, öngörülən son boy oğlanlarda ~ 198 sm, qızlarda ~ 180 sm hesablanırsa, belə boy fiziki və psixoloji problemlər yaradırsa, cinsi hormonlarla müalicəyə başlayıb, boy zonalarının bağlanmasını sürətləndirmək olar.
Qızlara müalicə sümük yaşı 12-yə, oğlanlarda isə 14-ə çatmadan əvvəl başlanarsa, yekun boyu 5-6 sm azaltmaq olar.
Gec başlanan müalilcə faydasız olur.
