Soyuq yaşlanma ilə əlaqəli müxtəlif xəstəliklərdən məsul olan zərərli protein yığılmalarını parçalayan hüceyrə təmizləmə mexanizmini işə salır.

Aztibb.az involta.media-ya istinadən yazır ki, son illər müxtəlif orqanizmlər üzərində aparılan tədqiqatlar göstərib ki, bədən istiliyinin azalması ilə gözlənilən ömür uzunluğu əhəmiyyətli dərəcədə artır.

Bunun tam olaraq necə baş verdiyi bir çox sahələrdə hələ də aydın deyil. Köln Universitetində yaşlanma üzrə tədqiqat aparan bir qrup alim məsul mexanizmlərdən birini müəyyən edib.
Tədqiqat “Nature Aging” jurnalında dərc olunub.

Alimlər soyuqluğun hüceyrələrdən zədələnmiş zülalları çıxaran hüceyrə mexanizmi olan proteazomun fəaliyyətinə təsirini araşdırıblar. Tədqiqat göstərib ki, proteazom aktivatoru insan hüceyrələrində yaşlanma nəticəsində yaranan çatışmazlıqları aradan qaldırır.