Rusiyanın aparıcı Gerontoloji Tədqiqat Mərkəzinin klinikasında arterial bioloji yaş göstəricilərini azaltmaq üçün tədqiqat aparılıb.

Aztibb.az ren.tv-yə istinadən xəbər verir ki, mütəxəssislər Sibir küknarının terpenlərinin tərkibindəki bioloji aktiv maddələrdən istifadəni araşdırıblar. Eksperimentin iştirakçıları 40-65 yaşlı 60 kişi və qadın olub.

Təcrübənin nəticələri göstərib ki, subyektlər arasında antropometrik və biokimyəvi parametrlər dəyişməyib, lakin mütəxəssislər qida əlavələri qəbul edən qrupda arterial bioloji yaş göstəricilərinin 2,5 il azaldığını qeyd ediblər.

Beləliklə, alimlər belə qənaətə gəliblər ki, küknar terpenləri olan preparatların istifadəsi sağlam orta yaşlı insanlarda damarların vəziyyətinə müsbət təsir göstərə bilər.