Ayaq biləyinin burxulması tez-tez rast gəlinən ortopedik problemdir.
Bütün idman zədələri arasında və təcili tibbi yardım şöbəsinə müraciət səbəbləri sırasında ayaq biləyinin burxulması mühüm yer tutur.
Aztibb.az xəbər verir ki, uzman fizioterapevt Rüfət Cabbarlı əzilmənin şiddətindən asılı olaraq bağlar, əzələlər və oynaqların müxtəlif dərəcədə zədələnə biləcəyini deyib.
Ciddi burxulmalardan sonra pasient həkim tərəfindən müayinə olunmalıdır. Müayinədən sonra ayaq biləyində sarğı və istirahət tələb oluna bilər. Yetərli istirahətdən sonra ayaq biləyi üçün fizioterapiya və reabilitasiya prosedurları tətbiq olunmalıdır.
Ayaq biləyinin əzələləri və bağları kifayət qədər güclənməzsə, ayaq biləyinin burxulması xroniki olur və davamlı burxulmalar baş verə bilər.
