Təl-Əviv alimlərinin stressə məruz qalmış pomidor bitkilərinin səslər yaydığını təsbit edən araşdırmasının nəticələri "Cell" jurnalında dərc olunub.

Aztibb.az planet-today.ru-ya istinadən xəbər verir ki, təcrübələrdə tədqiqatçılar ultrasəs mikrofonlarını pomidor bitkilərinin yanına yerləşdiriblər.

Məlum olub ki, nəmlik çatışmazlığı şəraitində bitkilər saatda təxminən 35 ultrasəs klik yayırlar. Bu səslər insanlar tərəfindən eşidilmir, lakin itlər duyur.

Torpağında kifayət qədər rütubəti olan pomidor isə heç bir səs çıxarmayıb.

Mütəxəssislər bildirib ki, bitkiləri sənaye miqyasında yetişdirərkən onlara əlverişli şərait yaratmaq üçün bitkilərin özlərini nə qədər rahat hiss etdiyini müəyyən etmək olar.