İnsultun beynin fəaliyyətini həmişəlik pozduğu fikri yanlışdır.

Aztibb.az lenta.ru-ya istinadən xəbər verir ki, kardioloq və teleaparıcı Aleksandr Myasnikovun qeyd etdiyi kimi, insult keçirən bir çox xəstə normal həyata qayıtmağı bacarır: “Bu insultun dərəcəsindən, sadəcə olaraq insanın taleyindən asılıdır. Əksər xəstə sağalır. Üstəlik, onlar birbaşa xəstəxanada bərpa olunurlar”.

Həkim onu da bildirib ki, tez-tez baş ağrıları insult riskini artırmır. Eyni zamanda, o, beyinə qan tədarükünün pozulmasının xəbərçisi ola biləcək bir neçə növ baş ağrılarının olduğunu izah edib. Bundan əlavə, həkim qulağın deşilməsinin insult keçirmiş insanı xilas edəcəyi ilə bağlı yanlış fikirləri də təkzib edib.

A.Myasnikov insult ilə əlaqəli başqa bir mifi, yalnız 40 yaşdan yuxarı insanların insult keçirməsi ilə bağlı bilinən məlumatı da təkzib edib. Onun sözlərinə görə, uşaq və gənclərdə də beyində qan tədarükünün pozulması ola bilər.