Histeroskopiya uşaqlıq boşluğunun vaginal yoldan yerləşdirilmiş xüsusi optik cihaz (kamera) vasitəsi ilə izlənərək keçirildiyi bir prosedurdur.

Aztibb.az xəbər verir ki, ginekoloq Tuğraxanım Alınağıyeva bununla bağlı instaqram səhifəsində paylaşım edib.

Histeroskopiyanın diaqnostik və cərrahi olaraq ayırd edildiyini bildirən mütəxəssis diaqnostik histeroskopiyanın sonsuzluğun, anormal vaginal qanamanın səbəblərinin araşdırılması, anadangəlmə qüsurların diaqnozunu təsdiqləmək və keçirilmiş süni mayalanmaların effektsizliyini qiymətləndirmək üçün icra olunduğunu qeyd edib.

“Cərrahi histeroskopiya isə submukoz yerləşimli miomların, endometrial poliplərin çıxarılması,
anadangəlmə quruluş pozulmalarının müalicəsi, uşaqlıqdaxili bitişmələrin (sinexiyaların) ayrılması məqsədi ilə icra edilir”, – həkim bildirib.