Yeməkdən sonra yəqin ki, bir çox insan köplə rastlaşır. Tibb elmində bunun adı meteorizmdir.

Aztibb.az xəbər verir ki, qastrenteroloq-hepatoloq Mahirə Qədirova qida qəbulundan sonra qarın köpünün fizioloji səbəblərini sadalayıb.

Həkimin sözlərinə görə, çox vaxt köp qaz yaranmasına səbəb olan qida qəbulu, həddən artıq yemək, qazlı suları çox qəbul etmək, hamiləlik və digər hallarda yaranır.

Mütəxəssis bildirib ki, yemək zamanı tələsdikdə, siqaret çəkdikdə yaxud danışdıqda, bu vaxt hava qəbul edilir və mədəyə ötürülən havanın 30 faizi bağırsağa düşür, nəticədə köp yaranır.

“Köp müxtəlif və bəzən təhlükəli mədə-bağırsaq sistemi xəstəliklərin simptomu ola bilər. Köpdən azad olmaq üçün ilk olaraq onu yaradan səbəblər həkim tərəfindən aşkar olunmalıdır”, – həkim qeyd edib.