Son zamanlar kiçik yaşlı uşaqlar arasında danışa bilməmək, nitq qüsurları geniş yayılmışdır.

Əksər valideynlər övladının hətta 3 və daha yuxarı yaşda olmasına baxmayaraq, danışa bilməməsindən şikayətçidirlər. Bu problemlərin bəzilərinin televizor aludəçiliyi, telefon, planşet və s. kimi vasitələrdən qaynaqlandığı məlumdur.

Aztibb.az xəbər verir ki, bununla bağlı nevroloq Leyla Ələkbərova məlumat verib.

Həkimin bildirdiyinə görə, bu kimi vasitələrdən istifadə uşaqda nəinki psixi nitq inkişafına, həm də onurğa sütunu əyrilikləri, gözdə zəifləmə, beyin qan dövranında pozulmalara gətirib çıxarır ki, beyin oksigenlə yaxşı təmin olunmadıqda uşaqda aqressivlik yaranır.

Qeyd edib ki, bununla da uşaqlarda oksigen çatışmazlığı, diqqət yayıntısı yaranır. Daxili aqressiyadan sonra uşaqda qavrama zəifliyi, davranışlarında pozuntu başlayır.