Ənənəvi olaraq, qızdırmanı azaltmaq üçün istifadə edilən sirkə, spirt, buzlu su və ya odekolon kimi üsullar tətbiq olunduqda qızdırmada sürətli bir azalma təmin edərkən, çox daha yüksək dərəcədə qızdırmaya şərait yarada bilərik.

Aztibb.az xəbər verir ki, pediatr Atlaz Möhsümovanın instaqarm səhifəsində bununla bağlı paylaşdığı məlumata görə, qızdırmanı salmaq üçün bu kimi vasitələrdən istifadə etdikdə əvvəlcə damarlar daralır, qızdırma düşür, daha sonra damarlar genişlənir və qizdırma daha da yüksəyə qalxa bilir.

“Həmçinin sirkə və ya spirt kimi mayelərin uçucu təbiətinə görə buxarlanmasını artıraraq hərarəti azaldacağı düşünülür. Bununla belə, tədqiqatlar bu cür mayelərin heç bir müsbət təsirini göstərməmişdir. Əksinə, dəri vasitəsilə sorulurlarsa, uşaqlarda zəhərlənmə əlamətlərinə səbəb ola bilər”, – pediatr vurğulayıb.