Qida zəhərlənmələri hər dövr üçün aktualdır. İlin bütün fəsillərində qida zəhərlənmələrinə rast gəlinir. Nələrə diqqət etmək lazımdır?

Aztibb.az xəbər verir ki, qastroenteroloq Gülnar Ağayeva qida zəhərlənmələrindən qorunmaq üçün bilməli olduğumuz nüansları sadalayıb:

İstifadə müddəti bitmiş, qoxusu və rəngi dəyişmiş, kiflənmiş qidaları qəbul etməyin;

Pasterizə olunmamış süd və süd məhsullarından istifadə məsləhət görülmür;

Qutusu zədələnmiş və ya qapağı boşalmış konservləri istifadə etməyin;

Meyvə-tərəvəzi axar, ilıq su ilə yaxşı yuyub istehlak etmək lazımdır;

Ət, toyuq, balıq məhsullarını və südü uyğun müddətdə və temperaturda bişirin;