Yaz mövsümündə spesifik xəstəliklər görülə bilər. Adətən daha çox görülən problem burun axıntısıdır. Yazda yaşanan burun axıntısı günəşli gündərdə insana narahatlıq yaşadır.

Aztibb.az xəbər verir ki, mütəxəssislərin bildirdiyinə görə, burun axması adətən başqa bir əlamət yaratmadığı üçün diqqət yetirilmir. Ancaq fərqli xəstəliklərin əlaməti ola bilər.

Yaz aylarında mütəmadi olaraq görünən burun axıntısı bir xəstəlik deyil, xəstəlik əlamətidir. Müalicəsi üçün isə ilk olaraq xəstəliyin səbəbləri araşdırılmalıdır.

Yaz aylarında görünən burun axıntısının ən yayılan səbəbi allerjik reaksiyalardır. Allerjik səbəblər adətən havada olan maddələr səbəbindən yaransa da  burun axıntısı şəklində özünü göstərir.

Xüsusilə yaz aylarında günəşə allergiyası olan insanlarda burun axıntısı ilə yanaşı mütəmadi olaraq asqırmaq da yarana bilər.

Xronik olaraq görülən digər bir səbəb də sinüzitlərdir. Buna səbəb olan bakteriyalar isə bir müddətdən sonra infeksiyaya səbəb olur. Bu da uzunmüddət burun axıntısı yaradır.

Hər iki hal uyğun müalicə ilə ortadan qaldırıla bilər.