Sağlam qidalanma ilə bağlı açıqlamaları ilə gündəmə gələn prof. Canan Karatay Ramazan süfrələri üçün faydalı qidanı tövsiyə edir.
Aztibb.az ensonhaber.com-a istinadən xəbər verir ki, ramazan ayında oruc tutan vətəndaşlar gün ərzində heç nə yemədikləri və içmədikləri üçün sahur və iftarda sağlam qidalanmanın yollarını axtarırlar.
Professor orqanizmə inanılmaz təsiri ilə tanınan bu yeməyi gündə iki dəfə istehlak etməyi tövsiyə edir.
Canan Karatay əvvəlki açıqlamalarında da yumurtanın faydalarından danışıb. O, Ramazan ayında yumurta yeməyin çox vacib olduğunu vurğulayıb. Xüsusilə qaynadılmış yumurtanın bir çox xəstəliklərdən qoruduğunu söyləyib. Bundan əlavə, yeyilən yumurtanın qaynama müddəti və dərəcəsi böyük əhəmiyyət kəsb edir.
"Yumurta sahurda yeyilməlidir. Kərə yağında qayğanaq kimi də güclü qidadır. Bütün günün enerjisini, mineralları və yağları təmin edə bilir. Yağsız protein faydasızdır.Yumurtanı bol yağlı məsləhət görürəm.Qorxmayın ki,xolesterinimi artırar.Çünki yumurtanın sarısındakı xolesterin heç vaxt qana keçmir”, – professor bildirib.
