Oruc tutanda ana südünün miqdarında bir qədər azalma müşahidə edilə bilər. Bundan əlavə, ana südünün qida dəyərlərində dəyişikliklər ola bilər.

Aztibb.az xəbər verir ki, ginekoloq Tuğraxanım Alınağıyevanın bildirdiyinə görə, laktasiya zamanı oruc tutan anaların orqanizmində maqnezium, sink və kalium səviyyəsi azalır. Bundan əlavə, ana südündə olan A, C və E vitaminlərindən başqa vitamin səviyyələri də azala bilər.

Xüsusilə doğuşdan sonrakı ilk 6 ayda yalnız ana südü ilə qidalanan körpələrin analarının oruc tutmaması tövsiyə edilir.

Əgər körpəniz 1yaşını tamamlayıbsa, əlavə qidaya keçibsə, ana südü artıq rasionun əsas hissəsini təşkil etmirsə bu zaman maye və qida qəbulunu düzgün tənzimləməklə oruc tutula bilər.

Allah tutduğunuz orucu qəbul etsin!