Araşdırmaya görə, yoğun bağırsaq xərçənginin 80% yaranma səbəbi, yoğun bağırsaqda yaranan poliplərdir. Bu risk yaşla birlikdə artır. Bu poliplərin təxminən 10 faizi orta hesabla 8-10 il ərzində xərçəngə çevrilə bilər!
Aztibb.az xəbər verir ki, qastrenteroloq-hepatoloq Mahirə Qədirovanın sözlərinə görə xərçəngə çevrilməmişdən əvvəl adətən heç bir əlamət göstərmədiyi üçün “gizli təhlükə” adlandırılan poliplər, adi kolonoskopiya ilə əslində aşkarlana və çıxarıla bilər. Bu yolla xərçəngə çevrilmənin qarşısı alına bilər.
Həkim polipin əmələ gəlməsinə səbəb olan amillərin bəzilərini sadalayıb:
▪Siqaret çəkmək
▪Tez-tez və həddindən artıq spirtli içki qəbulu
▪İdmandan uzaq bir həyat tərzi
▪Artıq çəki
▪Lif çatışmazlığı olan pəhriz
▪Əvvəlki tarixdə kolorektal polip və ya xərçəng
▪İltihabi bağırsaq xəstəlikləri (kron və ya xoralı kolit)
