Akne (sızanaq) – dəri piyinin ifrazının artması, piy vəzilərinin böyüməsi və tutulması nəticəsində yaranan xəstəlikdir.

Aztibb.az xəbər verir ki, dermatoveneroloq Sevinc Məmmədovanın bildirdiyinə görə, sızanaqlara əsasən yeniyetmələrdə üz, kürək və sinə nahiyəsində rast gəlinir.

Həkim Aknenin yaranmasına təsir edən faktorları sadalayıb:

Genetik faktorlar (yağ vəzi kanalında qalınlaşma və kanalın bağlanmağa meyilli olması);
Hormonal pozğunluq;
Yeniyetmə dövründə artan yağ ifrazı;
Fiziki faktorlar (çəkilən yağlı kremlər, isti hava, tərləmədə artış, makiyaj və dəriyə uyğun olmayan təmizləyicilərin istifadəsi);
Bəzi dərmanlar və stres sızanaqların ortaya çıxmasına şərait yaradan faktorlardır.