Testosteron həm kişilərdə, həm də qadınlarda cinsi funksiyalara daha çox təsir göstərir.

Aztibb.az xəbər verir ki, qastroenteroloq Nərmin Novruzova testosteronun orqanizmə təsirləri barədə sosial şəbəkədə məlumat paylaşıb.

Həkim bildirib ki, testosteron azdırsa ürək-damar xəstəlikləri, osteoporoz riski artır, insan özünü enerjisiz hiss edir.

Mütəxəssis aşağı testosteronun da səbəblərini izah edib:

“Kişilər və qadınlar yaşlandıqca testosteron səviyyəsi azalır. Həmçinin qadının doğuma nəzarət həbləri, xolesterol dərmanları, şəkərli qidalar, qəhvə. süd məhsulları, çörək, eləcə də kişilərdə prostat əməliyyatları testosteronun səviyyəsinə təsir edir”.

Qeyd edək ki, testosteronun optimal səviyyəsi qadınlarda 20-75 ng/dl, kişilərdə 400-1000 ng/dl-dir.