Xroniki xolangit öd yollarının (qaraciyər daxili və xarici axacaqların) iltihabi xəstəliyidir.

Aztibb.az xəbər verir ki, qastroenteroloq Gülnar Ağayeva xəstəliyin əlamətləri ilə bağlı məlumat verib. Mütəxəssis qeyd edib ki, patologiya uzunmüddətli residivləşən gedişə malik olub, xolestaza gətirib çıxarır.

"Xolangitin əsas kliniki əlamətlərinə qaraciyər nahiyəsində ağrı, yüksək qızdırma, titrətmə və sarılıq aiddir. Müalicə kombinəolunmuş şəkildə aparılır. Bura antibakterial terapiya, ağrıkəsici vasitələrin tətbiqi, dezintoksikasiya, öd yollarının cərrahi dekompressiyası daxildir", - həkim bildirib.