Baş və boyun şişləri ağız boşluğunda, qırtlaqda və udlaqda yerləşən formasiyaları əhatə edən xəstəliklərin böyük bir kateqoriyasıdır.

Buraya burun boşluğunun xərçəngi, burun-udlaq xərçəngi, udlaq xərçəngi, dil xərçəngi, paranazal sinusların xərçəngi, tüpürcək vəzilərinin xərçəngi və tiroid xərçəngi və s. daxildir.

Aztibb.az xəbər verir ki, otolarinoloq Rəşad Guvalov bununla bağlı "Instagram" səhifəsində məlumat paylaşıb.

“Şişlər dodaqları, dəriləri, sümükləri və selikli qişaları da əhatə edə bilər. Onlar epitel hüceyrələrində, birləşdirici, sinir və ya melanin əmələ gətirən toxumalarda da olur. Şişlərin orqanizmdən çıxarılması üçün daha çox endoskopik cərrahiyyə metodundan istifadə olunur”,– həkim bildirib.

Qeyd edib ki, buna səbəb baş və boyun xərçənginin bəzi növlərində sağalma dərəcələrinin açıq cərrahiyyəyə nisbətən daha tez olmasıdır. Endoskopik yanaşmalar ən çox qırtlaq cərrahiyyəsi üçün istifadə olunur, adətən kəsiklərdə lazer edilir.

Bu şişlər bütün xərçənglərin təxminən 20%-ni təşkil edir. Baş və boyun şişləri aqressiv, metastatik və müalicəsi çətin ola bilər. Ən çox 50 yaşdan yuxarı insanlara təsir göstərirlər.

O, əlavə edib ki, baş və boyun xərçənginin mühüm əlaməti limfa düyünlərinin şişməsi, nitq pozğunluqları, eşitmə, görmə və qoxuda bir neçə həftə keçməyən və tənəffüs xəstəlikləri ilə əlaqəli olmayan dəyişikliklərdir.

“Bütün bu simptomlar soyuqdəymə və ya allergik reaksiyaya bənzəyir, buna görə də baş və ya boyun xərçəngi artıq inkişaf etmiş mərhələlərdə olduqda, xəstələr əsl səbəbi çox gec axtarmağa başlayırlar. Məhz buna görə də, xəstələr gecikmiş xəstəliklə ən sonda cərahiyyəyə müraciət etməli olurlar”,– həkim vurğulayıb.