Məlumdur ki, Daun sindromlu bütün xəstələrdə koqnitiv pozğunluqlar olur. Bu xəstələrdə Alzheimer xəstəliyinin inkişaf riski artır.
Aztibb.az internist.ru-ya istinadən xəbər verir ki, Daun sindromlu və əlaqəli Alzheimer xəstəliyi olan xəstələrdə xəstəliyin gedişatına dair bir çox tədqiqatların meta-analizi aparılıb.
Meta-analizə 8 ölkədə aparılan 52 müşahidə tədqiqatı daxildir.
Alzheimer xəstəliyinin diaqnozu zamanı Daun sindromlu xəstələrin orta yaşı 53 yaş təşkil edib. Eyni zamanda, Daun sindromu və Alzheimer xəstəliyinin birləşməsi olan xəstələrdə orta ölüm yaşı 58 yaş olub.
Maraqlıdır ki, 1968-2019-cu illər ərzində Daun sindromlu xəstələrin orta ömür uzunluğu artmış və 2019-cu ildə 57 yaşa çatmışdır.
Daun sindromlu xəstələrdə Alzheimer xəstəliyinin nisbətən erkən yaşda inkişaf etdiyi öyrənilib. Ehtimal olunur ki, Daun sindromunda gözlənilən ömür müddətini məhdudlaşdıran amillərdən biri də Alzheimer xəstəliyidir.
