Hamiləlik zamani qadının orqanizmi dəyişir və adi vaxtlara nisbətən daha çox vitamin və minerallara ehtiyac yaranır.
Aztibb.az xəbər verir ki, cərrah-ginekoloq Kamran Nağıyevin bununla bağlı verdiyi məlumata görə hamiləliyi planlamaq üçün ən vacib vitamin B9-dur (fol turşusu).
“B9 vitamini körpənin sinir sisteminin inkişafına cavabdehdir. Ən az 12-ci həftəyə qədər qəbul edilməlidir, bəzən isə daha artıq (həkim təyin edir). Birinci trimestrdə fol turşusunun çatışmazlığı körpənin beyninin inkişaf etməməsinə səbəb ola bilər”, – həkim bildirib.⠀
⠀
Unutmayın ki, hamiləlik dövründə vitamin çatışmazlığı ananın sağlamlığına və uşaqda patologiyaların inkişafına, düşük təhlükəsinə səbəb ola bilər.⠀
⠀
İstənilən halda, hər hansı vitamin və mineral qəbul etməzdən əvvəl həkiminizlə məsləhətləşməlisiniz.
⠀