Vizual olaraq təbii dişləri implantasiya olunmuş dişlərdən ayırmaq çox çətindir və bu səbəbdən ön dişlərin implantasiyası kifayət qədər tələb olunan prosedurdur.
⠀
Aztibb.az xəbər verir ki, stomatoloq-implantoloq Rüfət Meybalızadə dental implantasiyanın əsas üstünlüklərini sadalayıb:

- Çənə üzərində düşən yükün bərabər paylanması;
- Sümük toxuması atrofiyasının qarşısının alınması;
- Qonşu dişlərin yonulmaması - bu o deməkdir ki, prosedur diş cərgəsinin maksimum dərəcədə qorunmasına yönəlib;
- Cəlbedici estetik effekt.
⠀
Həkim qeyd edib ki, implantlar çıxarıla bilən və narahat protezlərə əla alternativdir. Əgər pasientin kifayət qədər sümük toxuması varsa, implantasiya proseduru onun üçün taxılı protezdən qat-qat daha cəlbedicidir.