Bayram ərəfəsi saxlama müddəti uzun olan məhsullar alın, çoxkomponentli salatlara iştahlanmayın və bayram süfrəsində ac oturmayın.

Aztibb.az xəbər verir ki, mütəxəssislərin bu məsləhətləri yalnız yemək və ziyafətlərə deyil, həm də uşaqlar üçün şirin hədiyyələrin seçiminə və atəşfəşanlığın istifadəsinə də aiddir.

Bayram öncəsi bir çox insanlar məhsulu əvvəlcədən almağa çalışır, lakin bu, yaxşı vərdiş deyil. Yalnız uzun istifadə müddəti olan qida məhsullarını əvvəlcədən ala bilərsiniz.

Buna görə də son istifadə tarixlərinə, məhsulun tərkibinə, saxlama şəraitinə diqqət yetirməyi unutmayın. Alış-verişi yalnız icazəli satış yerlərində edin.

Mütəxəssislər qeyd edirlər ki, çoxkomponentli salatlar sağlamlıq üçün təhlükəli ola bilər. Söhbət xama və ya mayonez qarışıq bir neçə inqrediyentdən ibarət təamlardan, qaymaqlı qənnadı məmulatlarından, yarıbişmiş məhsullarından gedir.

Hər yeməyi sınamağa çalışmayın. Yemək nə qədər müxtəlifdirsə, orqanizmə bir o qədər yük düşür. Əvvəlcə salat, sonra daha doyurucu seçimlər və isti xörəklərə keçin.

Bayramın parlaq kulminasiyası atəşfəşanlıq ola bilər, buna görə də məişət şəraitində pirotexniki vasitələrin seçilməsinə və istifadəsinə də diqqətlə yanaşmaq lazımdır.