Bəzi funksional həzm sistemi xəstəlikləri və qarın boşluğunda şişlik hissi yaradan narahatedici halların arxasında adətən sinir sistemi dayanır.
Həzm sistemi bədənimizin ən böyük sistem və orqanlarından biridir. Ağızdan başlayıb ifrazata qədər uzanır. Bu, bir çox orqanlara təsir edir.
Aztibb.az xəbər verir ki, qastrenteroloq-hepatoloq Mahirə Qədirovanın sözlərinə görə, bu orqanlar arasında ən emosional orqanımız qidanın ilk toplandığı yer, mədədir. Xoşbəxtlik hissi, kədər, əsəbilik, stress, sevinc kimi emosional vəziyyətə mədə dərhal reaksiya verir.
“Deyək ki, hava buludlu, yağışlı, qaranlıq və dumanlıdırsa həzm sisteminizə pis təsir göstərə bilər. Mədə və bağırsaqlarınız rahat işləməyə bilər. Hava gözəldirsə, həzm sistemi bunun nəticəsində yaranan yaxşı əhval-ruhiyyə sayəsində o gün çox daha yaxşı işləyər. Psixolojik olaraq nə qədər dinc olsanız, həzm sisteminiz də o qədər dinc olar. Bu səbəbdən həzm sistemini çox emosional sistem adlandıra bilərik”, - deyə həkim bildirib.
Qeyd edib ki, hətta qıcıqlanmış bağırsaq sindromunu əhvalı davamlı pis və narahat olan insanlarda daha çox görüldüyünü deyə bilərik.