Budaq yarığı kistası uşağın boynunda və ya körpücük sümüyünün altında yaranır. 

Aztibb.az xəbər verir ki, otolarinoloq Rəşad Guvalov budaq yarığı kistası haqqında sosial şəbəkədə məlumat paylaşıb:

“Bu, hər yaşda inkişaf edə bilən anadangəlmə kistadır. Çənə altındakı boynun bir tərəfində şişkinlik şəklində görsənə bilər. Kista adətən heç bir əlamətə malik deyil, ağrı və ya udmada çətinlik yaratmır, lakin bəzən iltihaba səbəb ola bilər”.

Qeyd edib ki, müalicə kistanın tam cərrahi yolla çıxarılmasından ibarətdir. Kista xoşxassəlidir, lakin nadir hallarda xərçəngə çevrilə bilər.