Tənəffüsün dayanmadığı xoruldama nisbi normadır, əks hallarda insan üçün təhlükəlidir. 

Aztibb.az glas.ru-ya istinadən xəbər verir ki, otorinolarinqoloq Dmitri Rınkov və nevroloq Zarina Zaoeva müsahibəsində xoruldamanın əlamətləri, səbəbləri və riskləri haqqında danışıblar. 

Nevroloq qeyd edib ki, tənəffüsdə fasilələrlə xoruldayan insanlar yuxunun səthi fazasında qala və ya oyana bilərlər. Bu, yuxunun strukturunu pozur və gecə istirahətinin qeyri-normal keçməsinə səbəb olur. Gündüz yuxusuzluq işdə qəza və xəsarət riskini artırır. 

Otorinolarinqoloq isə əlavə edib ki, xoruldamaya burun çəpərinin əyriliyi, poliplər, rinit, tonzillit, faringit, adenoidlər səbəb ola bilər. Apne də endokrin pozğunluqlara səbəb olur.

"Oksigen çatışmazlığı səbəbindən maddələr mübadiləsi pozulur, çəkir artır, farenksin lümeni daralır, buna görə də xoruldama güclənir və gecə yuxusu zamanı nəfəs dayanır", – həkim bildirib.