Yuxuya sərf edilən vaxtın azaldılması orqanizmin infeksiyalara qarşı müqavimətini də azaldır.
Somnoloq Mixail Poluektov yuxunun orqanizmin infeksiyalara qarşı müqavimətinə təsirini izah edib.
Aztibb.az "Arqumentı i Faktı" nəşrinin məlumatına əsasən xəbər verir ki həkimin sözlərinə görə, istirahət vaxtının azaldılması bu cür qoruyucu mexanizmləri azaldır.
Mütəxəssis izah edib ki, böyüklər üçün tövsiyə olunan yuxu müddəti gündə yeddi saatdan doqquz saata qədərdir, halbuki bu norma hər kəs üçün fərqli də ola bilər:
“Yuxu vaxtının məhdudlaşdırılmasının immunitetə pis təsir etdiyinə dair kifayət qədər elmi sübutlar var. Bu mövzuda bir çox araşdırma göstərir ki, yuxu vaxtının tövsiyə ediləndən vaxtdan bir saat belə azaldılması ilə viral infeksiyalara qarşı müqavimət də azalır”, – deyə həkim bildirib.
Yuxunun keyfiyyətini yaxşılaşdırmaq üçün somnoloq yuxuya getməzdən əvvəl rejimin qurulmasını, televizor və smartfon kimi beyni həyəcanlandıran əşyalardan istifadə etməməyi tövsiyə edib.