Psixi xəstəlikləri olanlar üçün bahar çətin keçir.  

Aztibb.az medikforum.ru-ya istinadən xəbər verir ki, psixiatr Yevgeni Fomin müsahibəsində yaz aylarında müxtəlif patologiyaların kəskinləşdiyini deyib. Eyni zamanda, həkim qeyd edib ki, bu cür problemləri olan insanlar adətən diqqəti özlərinə cəlb etmirlər - əksinə, təcrid olunur, başqalarından uzaqlaşır, sosial təmaslarını məhdudlaşdırır, çox vaxt uzun müddət evdən çıxmırlar.

Həkim əlavə edib ki, psixi pozğunluğu olan insanların çoxunun yardıma ehtiyacı olsa da, müraciət etmirlər. Belə xəstələr tez-tez dəstəyə ehtiyac duyurlar. "Anomaliyalarını" dərk edərək, problemin başqaları üçün nəzərə çarpacağından qorxurlar. “Psixiatrik diaqnozu olan insanların əksəriyyəti başqaları üçün heç bir təhlükə yaratmır, əksinə, dəstəyə ehtiyacı var. Əgər əqli qüsuru olan bir insanla rastlaşırsınızsa, o zaman ona dəstək olmalı, hər şeyin yaxşı olacağını söyləməlisiniz”, - həkim bildirib.

Ayrı bir kateqoriya, xəyalpərəst fikirləri, halüsinasiyalar ıolan xəstələrdir. Həkimin sözlərinə görə, belə xəstələrin xəstəlikləri pisləşirsə, o zaman ətrafdakılar üçün həqiqətən də təhlükəli ola bilər. Belə insanları davranışlarından tanıya bilərsiniz: onlar heç kimin görmədiyini və eşitmədiyini görür və ya eşidir, görünməz həmsöhbətlərlə danışırlar.